Noxçiyŋ ballada
Va saraẋ süyrenca,
buzuçu malxaca
k̇ayŋ nuskal va sanna
şeŋ gila keç bina,
şa aravelira,
şa aaravelira
şaa aravelira siy dolu q̇onaxa.
-Voo stenga vödu ẋo?
Huŋ dayna lela ẋo,
Doladaŋ da vocuş,
Ẋayŋ husam yitina,
Metta-mott bovzaŋza,
k̇ayŋ nuskal ditina,
Voo stenga vödu ẋo,
Huŋ dayna lela ẋo?
I nenaŋ şiyla moẋ ca xezaş bissira,
Lätta ṫe şayŋ roƶeẋ malikaş dissira
- Mostaġço moxk bokquş
Top qossal ca xillarş
Lolliŋ sinq̇erameẋ
Tẋamdalla xüyşuçoẋ
Dala max binaçu
Qonaxiyŋ max xedo
Xabarçaş xüyşuçoẋ
Husamax jebiyla
Husamaŋ mexa verg
Nuskalax jebiyla
Nuskalaŋ mega verg
Marşonax k̇ayŋ nuskal
Dina verg jebar vac
Mexkan da vocuş verg
Husamaŋ da a vac
Batto ġum q̇egoçu
Cu Terkaŋ toġeşkaẋ
say biƶa böduçu
kokanaŋ köllaşkaẋ
mostaġiyŋ ƶjaleşca
moxk q̇ovsa vollu şa
şeŋ doq̇ax beza max
bexiyta vollu şa -
k̇anta şeŋ oylanaş neq̇e djayiycira,
Terka çoẋ şayŋ ċiylaẋ sedarçiy liyçira…
Vaa saraẋ süyrenca,
buzuçu malxaca
k̇ayŋ nuskal va sanna
şeŋ gila keç bina
şa aravelira
şa aaravelira
şaa aravelira siy dolu q̇onaxa
Apti Bisultani
