Bettasa
Bettasa sẋaqiyti, ezar şo
ẋalxa
Qetaş ma-xillara ġayġane,
cẋalxa,
Adamaş çudirzi, ezar şo ẋalxa
Dörzuş ma-xillara daxa ya
qalxa
Noxçiyçö, latta ẋo, serlonaŋ
hordax,
Ezar şo dälça a yaxa ca k̇ordoş...
Mostaġa voġur vu - düsur du
dertaş,
Düsur du ẋaŋ leqa, ẋaŋ xaza
berdaş,
Ẋaşa-da voġur vu - yüsur yu
marzo,
I marzo yelxayo ẋaŋ lomaẋ barzo,
Ġelaşna ġerġaçu kuraçu sayno,
Ċe yocçu koşaŋ ṫeẋ dällaçu
stayno
I marzo yelxoş du saŋ hora doş ə,
Ẋaŋ dato neqaş ə, momsariyŋ bos ə...
Noxçiyçö, latta ẋo, serlonaŋ
hordax,
Ezar şo dälça a yaxa ca k̇ordoş...
So quzaẋ vina vu, tiynalliŋ
q̇orgeẋ,
Ẋaŋ sina tiyƶaçu qoqanaŋ
k̇orni,
Peŋ bocçu husameẋ, txov bocçu qerçaẋ,
Da vocuş qiəna so, ẋaŋ ċarax
ẋerçaş.
Ẋaŋ bjävniyŋ xercarşlaẋ becaŋ xal sanna,
Ẋan serlo tergaləyan ma dezna saŋ a,
Ẋaŋ stiglaẋ ärzuniyŋ moẋ sanna şiyla,
So ə djavovr vu ck̇a, tiynallex
iyna...
Noxçiyçö, latta ẋo, serlonaŋ
hordax,
Ezar şo dälça a yaxa ca k̇ordoş...
Txo devlla djaġur du, düssur du deşnaş,
Düssur du ẋaŋ xaza, ẋaŋ özda keşnaş,
Buc yolu, buc yüƶu oylane
bärznaş,
Vöduçuŋ, voġuçuŋ dojaniyŋ
ärznaş.
Ẋaŋ xercarş yüssur yu, da vocuş velxa,
Düssur du ẋaŋ stiglaẋ ärzuniyŋ xelxarş,
Ẋo yisa, Noxçiyçö, serlonaŋ hordax,
Ezar şo dälça a yaxa ca k̇ordoş...
